رواية حي بداخلي كاملة بقلم عهد عامر

رواية حي بداخلي كامله بقلم عهد عامر
_يعنى ايه اتجوز مرات اخويا انت سامع نفسك بتقول ايه يا بابا!! 
انا سامع نفسى كويس مرات اخوك لسه صغيره والعين عليها وغير كده هى حامل ف حفيدى او حفيدتى وانا مش هسمح ان حد تانى يربيه او يتربى بره العيله.
_ اه تقوم تجوزهالى انا اللى متجوز واكبر منها ب حوالى 11سنين صح! وبعدين يا حج كلنا عارفين بقصه الحب اللى كانت بين موج وادهم واهو ادهم متوفى ليه 3 شهور دلوقتى وموج حامل ف الشهر الخامس وكلنا عارفين برضو هما حابين البيبى ده ازاى وازاى موج روحها ف البيبى اللى هييجى واللى هيعوضها عن غياب ادهم. انا بحب مراتى يا بابا مستحيل اجرحها بالطريقه دى

يا بنى افهمنى انا رايدلك الصالح
_ انهى صالح ده يا حج كلنا عارفين موج كانت بتعشق ادهم الله يرحمه ازاى عايزنى اجى اقولها انا هتجوزك واخد مكانة ادهم عندك!
ابوه ومين قال كده احنا بس هنحافظ عليها يابنى وعلى اللى ف بطنها اسمع كلامى يا ياسين احنا عايزين نحافظ عليها هى واللى ف بطنها
ياسين فرضا انى وافقت كده كده مينفعش نتجوز قبل م تولد لانها ف شهور العده دى حاجه الحاجه التانيه بقى هى مش هتوافق وانا واثق من كدهومراتى يا حج مش هيهون عليا اكسرهاانا روحى فيها 
ابوه يا سيدى وافق انت ومتشيلش هم موج ولو على مراتك ف هى عاقله واكيد هتفهم احنا مالنا
ياسين سيبنى افكر يا حج الامر مش هين زى م انت متصور ادهم الله يرحمه كان ابنى قبل م يبقى اخويا.
ابوه الحى ابقى م المېت وانا عايز اشوفك مرتاح قبل م اقابل وجه كريم انا مش حمل اروح لربنا وانا شايل ذنبها على كتفى 
ياسين بعد الشړ عنك يا حج اللى فيه الخير يقدمه ربنا
قطع كلامهم صوت اذان الفجر وهو بيأذن ف كل الجوامع وراح ياسين وابوه يأدوا فرض ربنا 
صحيت موج من نومها على صوت الاذان ودخلت اتوضت وصلت وقعدت تقرأ ورد القرآن خلصت وقعدت مكانها على سجاده الصلاه تفتكر حياتها مع ادهم كانت ازاى وحطت ايدها على بطنها وقالت
موج ربنا يقدرنى واربيك تربيه حسنه يفتخر بيها كل حد يشوفك يا رب انت عارف بابا جميل اوى هو اه مش معاك دلوقتى لكن هيبقى فرحان بيك وانت بتكبر كل ثانيه فى بطنى بابا بيتمنى انك تيجى كل لحظه عدت علينا
اخدت نفس طويل ودموعها ڠرقت وشها وهى بتقول بابا عمره م هيسيبنا لوحدنا.
قطع شرودها خبط ع الباب لبست اسدالها وفتحت لقيت حماهاكامل وبنته رحمه
كامل صباح الخير يا بنتى
موج وهى بتبوس ايده صباح الجمال يا عمى حضرتك عامل ايه
كامل بخير الحمد لله طمنينى حفيدى القمر عامل ايه.
موج وهى بتبتسم بخير الحمد لله
رحمه بابا يا ستى اصر انه نطلع نفطر معاكى لانه عارف انك هتكونى صاحيه.
موج يا سلام تشرفوا وتنوروا طبعا لحظه ويكون الفطار جاهز.
وسابتهم ودخلت المطبخ تجهز الفطار وهى فرحانه لانها بتعتبر كامل والدها. 
_ ايه يا ياسين م لسه بدرى مش عايز تطلع ولا ايه
ياسين حقك عليا يا حبيبتى بس الكلام خدنى مع بابا والفجر اذن انتى منمتيش ليه لدلوقتى
قربت منه وحطت ايدها حوالين رقبته قلقانه على حبيبى ولا مينفعش اقلق
ياسين يا سلام 
كامل بتردد بصراحه كده يا بنتى انا عايزك تتجوزى ياسين ابنى
موج پصدمه استاذ ياسين حضرتك بتقول ايه يا بابا
كامل بقول الصالح لينا يا بنتى انا عايز احافظ عليكى وعلى ابنك او بنتك اللى ف الطريق دول
موج اى صالح ده يا بابا اى صالح يقول انك تهدم بيت واحد بيحب مراته عشان تجوزه لواحده تانيه اى صالح يقول انى اتجوز واحد غير ادهم يا بابا ولما ييجى ادهم هتقوله ايه تقوله جوزت مراتك لاخوك! 
انت عايزنى اخون ادهم يا بابا ترضهالى
كامل لا حول ولاقوة الابالله العلي العظيم يا بنتى اهدى مش كده ووحدى الله ادهم الله يرحمه ماټ وانا عايز احافظ عليكى
موج ومين قالك ان ادهم ماټ يا بابا ادهم عايش.... 
يتبع....
الحلقه التانيه 
موج ومين قالك ان ادهم ماټ يا بابا ادهم عايش
كامل پصدمه عايش ازاى يا بنتى وحدى الله مش كده
موج لا اله الا الله صدقنى يا عمى والله م بكذب ادهم عايش انتو ليه مش مصدقينى
كامل احنا مستلمين جثته من القياده بتاعته يا بنتى ودفنينه بايدينا و.. 
موج مش ادهم يا بابا صدقنى انتو شوفتوا وشه لا مجرد م القياده بلغت بۏفاته ادهم عايش يا بابا صدقنى
كامل اهدى يا بنتى وصلى ع النبى كده مترجعيش لنفس تفكيرك بعد م قولنا انك هديتى
موج عليه افضل الصلاة والسلام يا بابا صدقنى دى مش حاله هتجيلى ولا انا اټجننت ادهم عايش طول م قلبى بيدق يبقى عايش ادهم وعدنى انه هيرجعلى يا بابا ومستحيل ادهم يخلف بوعده عايزنى اقوله ايه اما اشوفه اقوله افتكرتك مت واتجوزت بعدك مستحيل يا بابا
كامل انا بعمل ده لمصلحتك ومصلحه اللى ف بطنك يا موج
موج مصلحتى مع ادهم وانى اعيش مع ادهم ومصلحه الى ف بطنى انه ييجى الدنيا يلاقى امه صاينه ابوه ف غيابه قبل وجوده مش عشان ادهم غاب 3 شهور عن البيت تعملوا كده م ياما كان بيغيب بالخمس شهور واكتر ليه مكنتش بتتكلم
كامل عشان كان بيطمنا عليه تقدرى تقوليلى لو ادهم عايش زى م بتقولى متصلش ليه مجاش ليه! ارجعى لعقلك يا بنتى انا حايش اخوكى عنك بالعافيه وهو عايز يدخلك مستشفى المجانين من اللى عملاه ده
موج وهى بتقف كلامى قولته يا بابا ادهم عايش ومستحيل اتجوز غيره بعد اذنك
سابته ودخلت اوضتها طلعت البوم الصور اللى فيه صورها هى وادهم وفضلت تفتكر قبل م ادهم يسافر 
flash back.... 
كانو قاعدين فى البلكونه ومشغلين ام كلثوم وبيشربوا شاى 
ادهم انتى عارفه يا حبيبى ان الشغل مفيهوش انذار مش فاكره ف مره طلعت مأموريه نفس اليوم!
موج بدموع عينه لقاها بتحلم
ادهم موج موج قومى يا حبيبتى انتى

بتحلمى
فتحت عيونها وهى بټعيط متروحش يا ادهم. 
فضلوا شويه حاضنين بعض وفجأه ادهم قام وشالها وډخلها الحمام
ادهم ممكن بنوتى تاخد شاور قمر زيها وانا هاخده ف الحمام التانى وتلبسى وننزل نتفسح سوا
موج ممم وهتودينى النيل وناكل درا مشوى 
ادهم عنيا لموجه قلبى
خرج ادهم وخلص وكذلك موج اللى لبست دريس زيتى وخمار كافيه وادهم لبس بنطلون كافيه وقميص زيتى
موج الله يا ادهم حلو اوى اننا بنماتشينج مع بعض
ادهم تعالى نتصور هنا ونبقى نتصور واحنا خارجين
اتصوروا ونزلوا فطروا بره واتمشوا سوا واتغدوا وراحوا السينما واتصوروا وطبعوا الصور وحطوهم ضمن الالبوم بتاعهم وراحوا ع النيل واكلوا درا مشوى وقعدوا..
موج تعرف يا دومى نفسى ف ايه
ادهم ف ايه يا حبيبى
موج انك تفضل طول العمر معايا ومتسيبنيش مهما يحصل عارف 
ياسين پغضب هيعمل ايه يعنى ولا يقدر يمس شعره واحده منها ولا من اللى ف بطنها.
كامل عارف انك تقدر تمنعه بس لو جه وخدها من ورانا ولا حتى خدها بحجه ان جوزها ماټ وخلاص
ياسين بابا انت عارف دماغ خالد ده شكلها ايه موج لو راحت معاه لحظه اتأكد ان كلنا هنخسرها هى واللى ف بطنها
كامل ربنا يسترها يا بنى انا مش عارف اجيبها منين ولا منين
ياسين خير يا حج ان شآء الله
قطع كلامهم خبط شديد على الباب فتح ياسين بسرعه
ياسين خالد.....
يتبع.....
حى_بداخلى
بقلم عهد عامر 
شكرا على التفاعل السكر ده بجد 
الحلقه التالته 
ياسين خالد
وسعله ياسين الطريق ودخل خالد وسلم على كامل
خالد عامل ايه يا حج كامل
كامل الحمد لله يا بنى خير
خالد جاى اخد اختى اظن كفايه كده بقالها 3 شهور من يوم وفاه ادهم وهى هنا واهى داخله ف الرابع الناس بدات تتكلم يا حج
كامل پغضب ناس مين اللى بتتكلم البت قاعده ف بيت جوزها وابو اللى ف بطنها لو ناسى مفيش حد يستجرى يجيب سيره مرات الشهيد أدهم الصافطى على لسانه ولا دى لعبه من الاعيبك يا استاذ خالد
خالد بتوتر الاعيب ايه يا حج انا بس عايز اختى لا اكتر ولا اقل
قاطعهم دخول موج وهى بتقول
موج واختك مش هتسيب بيت جوزها يا خالد وابو اللى ف بطنها انا هفضل مستنيه جوزى وقت م يرجع يلاقينى
خالد پغضب وهو بيمسكها من دراعها جوزك مين اللى يرجع م تعقلى بقى جوزك ماټ. وكلنا شوفنا جثته بعنينا وډفناه وحضرنا جنازته ايه هتكدبى كل ده
موج اه هكدب كل ده انت مشوفتش شكل ادهم انتو مجرد م القياده بلغت استنتوه ف المطار ودفنتوه وحتى لو شوفته بعينك زى م قولتلى اه هكدب كل ده واصدق اللى قلبى بيقولى عليه طول م قلبى لسه بيدق ونفسى بيخرج منى اعرف ان ادهم عايش وولا انت ولا الف واحد يقدر يقنعنى بعكس كده
خالد لااا دانتى هربت منك ع الاخر انا كنت مستحمل كل ده لكن ورحمه امى لاوديكى بايدى مستشفى المجانين خلى دماغك تتعدل شويه
ياسين پغضب انت اټجننت تودى اختك فين ده بدل م تقف معاها ف محنتها وتقويها بتضعفها وتخوفها منك اكتر
كامل اسمع يلا انت تطلع بره البيت ده ودلوقتى وتنسى ان ليك اخت عندنا سامع ولا لا ولو رجلك عتبت هنا تانى هقطعهالك
خالد وهو بيسحب موج مش خارج غير وهى معايا وعليا وعلى اعدائى
حاول ياسين يسحب موج من ايده وكامل كذلك ونزلت سها مرات ياسين على صوت اازعيق من فوق فضلوا ف الدوامه دى لحد م فاقوا على صرخه موج بعد م خالد خپطها ف الحيطه
كامل پصدمه موج
جريت عليها رحمه وسها لقيوا ډم كتير نازل من دماغها
موج بطنى بطنى يا رحمه الحقى ابنى
وفقدت الوعى جرى ياسين بسرعه شالها ونزل بيها للعربيه هو وسها ووصل المستشفى وطلعوا وراه رحمه وكامل
ياسين لو سمحتوا محتاج دكتوره بسرعه تشوف المدام
خدوها منه على ترولى ودخلوها الطوارئ شويه والدكتوره خرجت
ياسين خير يا دكتوره طمنينا
الدكتوره اطمن الحمد لله الجنين بخبر هو بس من أثر الخبطه ودماغها خدت 4 غرز فيهم وهتفوق على بكره الصبح ان شآء الله
كامل الحمد لله يا رب نقدر نشوفها يابنتى
الدكتوره اكيد يا حج بس هى نايمه زى م قولتلك محتاجه حد ينزل يكمل اجراءات المستشفى وكمان عايزه اعرف سبب اللى حصلها
ياسين مفيش يا دكتوره كانت بتنضف رف المكتبه ووقعت اتخبطت ف الحيطه
الدكتوره بعدم اقتناع تمام اتفضل معايا نكمل الاجراءات
مر اليوم بدون احداث جديده وياسين روح ابوه واخته وفضل هو وسها ف اامستشفى مع موج 
. 
اليوم التانى الصبح فاقت موج وسها كانت جنبها
موج اه... ادهم بطنى ابنى
سها