سليم
الناس عندى و أنا بحبها جدا
سليم بتحبها ازاى يعنى !
غيث بضحك ااه أنا نسيت أنك إبن خالتها و دمك حامى ياخى بحبها حب اخوى .. رمزى يعنى لأنى بحترمها وبقدرها جدا زى اختى
سليم هز وهو بيبتسم بسذاجة طبعا فاهم يا دكتور و متشكر جدا لحضرتك .
طلع من المكتب وهو بيرجع شعرة لورا فية اية هو أنا لية اتضايقت كدا لما قال أنة بيحبهاحسيت أنى عايز إضربة حسيت أنى غيران عليها ! لا مش ممكن لطف مجرد بنت خالة واخت لو حبينا نسمى مش هتبقى اكتر من كدا
ماردلين بعد ما اتخرجت علطول كنت عند الترزى بفصل فستان الفرح حياتى كانت ماشية تمام بعد ما كانت متلغبطة خالص بعد انفصال والدى ووالدتى .. كل واحد منهم اتجوز وخلف وشاف حياتة ومستقبلة و رمونى زى الغلطة وراهم .. لحد ما ظهر فحياتى امين الشاب إلى كل بنت بتتمناة غنى وسيم متعلم ومعاة تعليم عالى .. حقيقى كنت شايفاة العوض يا لطف .. اتنهدت ومسحت وشها من العرق لحد ما اتجوزنا وكل حاجة اتغيرت
أول حاجة منعنى أنى انزل اشتغل بعد تعب سنين فى دراستى قولت مش مشكلة ..بس اكتشفت أنة بيشرب و لما بيسكر مبيبقاش فوعية بيمد أيدة عليا و يضربنى من غير ذرة رحمة . بدأ يشمنى و يعايرنى باهلى أنة اتفضل واتجوزنى دموعها نزلت وكأن فية شاشة قدامها بتشوف من خلاها ذكرياتها .. كمان ب بقى ياخد منى حقوقة الشرعية بكل قوة جسمى حصلة ڼزيف داخلى.. و نفسيتى اټدمرت وبالرغم من كل دا مكنش حد بيسأل عليا مفيش حد كان بيجيلى ولا بيهتم بيا و كأنهم ما صدقوا خلصوا من مصاريفى لأنها الحاجة الوحيدة إلى كانوا بيقدموهالى .. لدرجة محدش جالى فالصباحية يا لطف هما شايفنى ماضى ولازم نصرف نظر عنة كنت بداوى جراحى بالسكر .. أيوة جربت أشرب من وراة سړقت منة و لما كان بيسكر مكنش بيوعى هو شرب كام واحدة .. بس معذورة أنا علشان انسى السچن إلى فية .. اشرب و اضحك .. اشرب و اتوجع اكتر اشرب وانسى نفسى و حياتى ..
ماردلين مين!
لطف مين غيرة ربنا ارمى حمولك على ربنا
ماردلين كنت بصلى فالاول .. بس حتى بعد جوازى منة بعدنى عن ربنا و بقيت ابعد اكتر واكتر يا لطف .. ولما شربت خجلت معنتش بجرأ ادعى ربنا ..
لطف اكيد الذنب بيعمل مانع و شرب الخمر ذنب عظيم ولازم تتوبى منة .. ولكن طالما أنتى مضطرة و صادقة فدعائك مع ربنا طالما حاولتى تتوبى .. ربنا أرحم من أنة يرد ايدك ربنا عالظالم يا ماردلين ..
لطف بحنية طب أهدى . ..اهدى يا حبيبتى و عايزاكى تصلى و ترجعى لربنا تانى وتدعية يغفرلك ويقويكى فمحنتك .. ربنا يمهل ولا يهمل و الظالم هياخد حقة بس أنتى انسى دا ماضى و مش لازم نفتكرة بس نتعلم منة
ماردلين م علشان كدا .. أنا قررت اعتمد على نفسى واخد أول خطوة نابعة من ارداتى أنا فحياتى .. قررت اخلعة
ماردلين خليكوا أنتى وسليم معايا يا لطف ..
لطف بابتسامة هنفضل مسندينك لحد ما تلاقي إلى يستحقك .
مرت الأيام إلى بقت شهور .. و ماردلين قدرت بعد معاناة تتخلص من أمين و اخيرا خدت حريتها و اتطلقت منة ..
المحامى قدامك التحاليل والاشعة الى تثبت أن أمين الشوربجى كان بيضر موكلتى
بعد الجلسة
أمين كان بيبص على ماردلين نظرات كلها كرة و غل
ماردلين انت كنت كل حياتى يا أمين و دلوقتى أنا بقيت بكرة نفسى إلى عرفتك .. نصيحتى ليك علشان العشرة روح اتعالج و لا شوفلك مصحة تاويك علشان متأذيش حد تانى .
أمين دا أنا إلى لميتك من الشارع يا بنت عيسى!
سليم مسك امين من لياقتة متتجرأش حتى و تجيب اسمها على لسانك !
أمين اتفاجأ من رد فعلة لكن لطف بعدت سليم وهى بتوشوشة بلاش تعمل مشهد هنا
سليم بص حوالية لقى الناس بتتفرج فعدل نفسة و بص لأمين عارف لو قربتلها تانى الموضوع هيبقى بينى و بينك .. وياقاتل يا مقتول ..
أمين بسخرية وهقرب لية من وكر العقرب تانى خلى بالك منها يا أخ ومتخليش حبك ليها يعميك ..
سليم بنفس النبرة مخليش حبى ليها يعمينى ! أنت إلى اتعميت من كلة يا أمين استأويت عليها وفكرت أنها ملكك و ليك الحق تعمل فيها مابدالك .. بس عارف العيب مش عليك العيب على المجتمع إلى قال إنك راجل !
مشاجرة حادة كانت على وشك البدأ حتى ..
لطف مكنتش قادرة تسمع زيادة فصړخت خلااص كفاية ..
ماردلين لم تحرك ساكنا لأنها كانت تشعر مثل العصفور الذى كان حبيسا فقص صغير وأخيرا حصل على حريتة و طار مغادرا ذلك السچن .. لقد شعرت بالحرية وهذا الشعور كان يكفيها
ولكن كل يوم كان سليم وماردلين بيقربوا من بعض اكتر لطف بقت فالهامش عند سليم .. ماردلين نقلت جنبهم وبقت بتروح المستشفى كل يوم معاهم وأوقات مع سليم بس ..
لطف حست انة بيروح منها وأنها تعبانة .. بالرغم من كدا سليم مكنش حاسس بيها ..
وفيوم .. فى مساء أحد الأيام جاء أحد الاشخاص ممن يعانون من کانسر و قد توقف عن أخذ الدواء ولكنة الآن يهلك أمام عيون اسرتة
تجمع الأطباء على صړاخ الأم .. و ابتعد الكثير لكن سليم اقترب من المړيض و بدأ بتفحصة .
الأم لسليم ارجوك انقذة يا دكتور قبلت إيدة ابوس ايديك انقذ ابنى
سليم سحب أيدة بسرعة .. و بص علية ثم نظر إلى غيث الذى حرك
راسة يمين وشمال بمعنى أن الأمر منتهى ..
صړخ تانى و الأم صړخت معاة ..
سليم بحزم جهزوا العمليات .. ماردلين اجهزى بسرعة!
الكل كان فى حالة صدمة .. أنة هيعمل عملية مستحيلة هو بيحط نفسة فى مأزق استحالة يخرج منة ..
وهو بيجهز لطف مسكت أيدة سليم أنا إلى هدخل معاك العملية دى !
يتبع
لطف مسكت أيدة أنا إلى هدخل معاك العملية دى !
سليم الموضوع مش ناقص تعقيد يا لطف .. أنا قولت ماردلين والكلام انتهى
لطف انت خلاص بقيت بتفضلها عليا على فكرة أنا احس
سليم بمقاطعة آه أنتى أحسن منها وآه أنا بفضلها عليكى
لطف پصدمة أنت أنت كلامك بيوجعنى على فكرة !
سليم بطلى أنت بقى إلى تعملى دور الضحېة علطول يا لطف أنتى بنت خالتى وهتفضلى بنت خالتى
لطف. يعنى انت كنت عارف .. أنت عارف أنى
سليم مسكها من كتفها آه عارف أنك بتحبينى .. من وأحنا صغيرين بس أنا مش شايفك إلا اختى افهمى بقى
لطف بدموع طب أنت بتحب ماردلين
سليم ا آه .. أيوة بحبهاكمل كلامة بتعب أيوة بحبها .. واخيرا لقيت الانسانة إلى تناسبنى.. إلى اقدر اكمل بقيت حياتى معاها وأنا مرتاح ومبسوط بس وجودك جنبى .. شاغلنى وخصوصا نظرتك ليا محسسانى أنى بخونك أنا أنا موعدتكيش بحاجة يا لطف .. أنا مجرد إبن خالتك وكنت عايزك تبقى اختى إلى تفرحلى علشان لقيت اخيرا نصى التانى .. مكنتش عايز اكتر من كدا
دموعها زحفت على وجنتيها نزلت على الأرض بتعب وهى مش قادرة تبص فعينة .. شهقات عالية بقت تاخدها وهو واقف قدامها .. نفسها يبقى كابوس والمنبة يرن فأى لحظة لأنها لو زعلت اكتر من كدا ممكن يجرالها حاجة .. ممكن قلبها يوقف .. أو ېنزف بجد ..
تمنت لأول مرة فحياتها أن حبها لسليم مكنش يبقالة وجود حبها إلى كان بيدلها قوة وعزيمة تكمل مشوارها فالحياة تمنت أنة ميبقاش موجود .. لأن دلوقتى مفيش غيره هيبقى مصدر قهرها و حزنها..
بكت زى الطفل الرضيع سليم دائما كان يقولى أنتى طفلة والواضح أنة معاة حق .. أنا مش قادرة أسيطر على بكايا حاسة أن قلبى هو إلى بيعيط ..
فجأة الباب خبط وكانت الممرضة
الممرضة بقلق من صوت عياط لطف فية حاجة يا دكتور
سليم ل لا .. مفيش حاجة أنا جاى اهوة.
قبل ما يخرج لطف وقفتة وهى بتقول بصوت منبوح سليم.
وقف وبصلها بطرف عينة نعم يا لطف
لطف لو .. لو أنا مكنتش موجودة كنت هتبقى مبسوط اكتر فحياتك
كل إلى قدمتهولك من حب كان مصدر شقاء ليك ارجوك جاوبنى
سليم كور أيدة بسخط ويأس .. وقال مش عارف يا لطف .. أنا قولتلك إلى فقلبى .
وانغلق باب الغرفة ورائة .. ومعة انغلق فصل سليم فى حياة لطف أو هكذا ظنت
بعد قليل .
غيث يعنى اية هتستقيلى !
لطف بحزن والدتى تعبانة شوية عايزة أبقى جنبها الفترة دى .
غيث اجازة بدون م
لطف بمقاطعة حازمة لا استقالة بلا رجعة .. دا قرارى ومش هرجع فية
غيث بقلة حيلة هتوحشينى يا لطف .
لطف دموعها نزلت على ورقة الاستقالة وهى بتمضى ولكن قبل ما غيث ياخد بالة مسحت دموعها و قالت متشكرة جدا يا دكتور على كل حاجة قدمتهالى من ساعة ما جيت .
غيث الشكر ليكى أنتى يا لطف على تعبك وحبك لشغلك فى المستشفى بتاعتنا ..
مقدرتش .. امشى قبل ما اطمن علية كنت عايزة اطمن أن العملية نجحت.. أنا عارفة أنها عملية صعبة و هو الوحيد إلى يقدر عليها .. بس قلبى هددنى قالى بغل لو مشيتى قبل ما اطمن هبطل اشتغل واطخ ډم وهلاكك يبقى على أيدى! .. أنا عارفة أنى غلطت فى حق قلبى لما شجعتة يتعلق بسليم على أمل كاذب بس .. بس أنا مكنتش هقدر اغير مشاعرى ناحيتة حتى دلوقتى مش قادرة اكرهه و اتمنى فشلة
صوت الباب بيتفتح.. صوت ماردلين الحنين وهو بيقول لسليم مبروك يا دكتور ..
صوت سليم المتلهف وهو بيرد الله يبارك فيكى . ك كنت عايز اقولك حاجة
متأسفة مش هقول بقيت الكلام ببساطة لانى مشيت.. قبل ما اسمع حاجة الكلام دا بعد كل شىء مكنش مصمم لودنى أنا .. دا زى المفتاح و ودان ماردلين القفل هى بس إلى تقدر تنسجم معاة ويبقى ليها علطول .
بعد ساعتين .
فاطمة لطف !
لطف بتاخدها بالحضن من غير كلام.. وهى بتقول وحشتينى أوى
فاطمة بطبطب عليها وأنتى كمان يا حبيبتى .. خشى بسرعة علشان
