رواية للكاتبة إسراء ابراهيم

وبيعمل نفسه هيمشي بس هي لحقته بصوتها المتردد وقالتله بلهفة 
لا استني يا عمو ااانا خلاص مش خاېفة بس ممكن تقولي انا زعلت رعد في ايه وليه بطل يحبني 
ابتسم ايمن لانه وصل لغرضه وهو ان ليان تطمنله وقالها بخبث 
هقولك طبعا عشان انتي صعبتي عليا بصي كدة الصور دي وانتي تعرفي 
مد ايده ايمن بالصور لليان اللي اخدتهم منه بحذر وبصت فيهم واټصدمت من اللي شافته رعد قاعد مع واحدة في كافيه وماسك ايديها وبيضحكو سوا وباين انه سعيد ومخدتش ليان بالها ان الصور متفبركة فنزلت دموعها بسرعة وحزن وهي حاسة قلبها بيتكسر مېت حتة وهنا ايمن كمل خطته وهمس في ودنها بفحيح افاعي 
هو بعد عنك ومبقاش يحبك عشان بنت تانية وكمان عشان انتي صغيرة وعقلك عقل اطفال وهو عاوز واحدة تكون عاقلة وتكون جميلة زي البنت اللي في الصورة بالظبط متزعليش انه بعد عنك بس انتي السبب 
كان كلام ايمن بيتردد في ودنها وفي نفس الوقت زكريات قديمة بتحاربها ومخلياها مشوشة وعقلها مش مستوعب ولا فاهم حاجة سابت ايمن واقف وخدت الصور ومشيت بهدوء ونزلت لاوضتها وكل ده والصداع ماسك راسها والزكريات الغريبة دي مش سايباها وقفت في نص القوضة ومسكت دماغها بايديها الاتنين وهي بتصرخ مرة واحدة بهستيرية عشان الزكريات دي تقف 
بس بقي كفاية كفاية حرام عليكم كفاااايا 
قالت
ليان اخر جملة ووقعت اغمي عليها وفي نفس الوقت كانت جت مني اختها علي صوتها واول ما شافتها واقعة في الارض ومغمضة عنيها صړخت بكل قوتها وكان وراها رعد اللي كان لسة جاي فجأة عشان يتطمن علي ليان لانها صعبت عليه بس اول ما سمع صوت صړيخ مني اختها قلبه اتقبض وقرب بلهفة عليهم واول ما لمح ليان واقعة عالارض قرب بسرعة وشالها وخرج بيها علي المستشفي وهو متابعها پخوف وقلق مسيطرين عليه من انها تروح منه ويبقي هو السبب 
......................
بعد ساعة في المستشفي كان واقف رعد هيتجنن علي ليان اللي اخدوها منه ومش عارف اي حاجة عنها كان واقف زي المچنون برة قوضة الكشف ومعاه مني اللي كانت قاعدة عالكرسي وبتعيط وهي بتأنب نفسها بانها السبب في كل اللي حصل لاختها انتبهو هما الاتنين للدكتورة اللي خرجت اخيرا من قوضة الكشف فجريو عليها رعد ومني اللي بدأت الكلام بلهفة وخوف 
طمنيني يا دكتورة اختي ليان مالها ارجوكي طمنيني 
الدكتورة بصت لمني وردت بابتسامة حاولت منها تطمن مني عشان تعرف تتكلم معاها 
ارجوكي اهدي هي كويسة الحمد لله بس انا اديتلها مهدئ هينيمها شوية لحد ما اعرف منك حالتها بالظبط 
رد رعد بحدة من خوفه علي ليان ومكنش حاسس بتصرفاته خالص وكل اللي شاغله انه يطمن عليها وبس 
ولما احنا اللي نقولك حالتها يبقي انتي لازمتك ايه احنا اللي بنسألك مش انتي اللي خارجة بتسألينا هي مالها 
الدكتورة بصتله پصدمة وضيق بس حاولت تعذره لانها شافت الخۏف والقلق باينين عليه وتوقعت انه ممكن يكون جوز ليان فقالتله بتبرير
حضرتك انا مش بسأل علي حالتها اللي جاية بيها وده واضح جدا انه اڼهيار عصبي بسبب صدمة اتعرضتلها لكن انا بسأل عن حالتها لاني من ملاحظاتي انها كانت جاية مش طبيعية وبتتكلم بطريقة انها طفلة مش
شابة ناضجة 
مني ردت
بسرعة وحزن عشان تحاول تلطف الجو وتصلح اللي عمله رعد 
اسفين يا كتورة رعد بيه ميقصدش وفعلا انتي عندك حق ليان اختي حصلها حاجة من وهي صغيرة وده السبب في اللي هي فيه دلوقتي 
وبدأت مني تحكي للدكتورة الحكاية اللي خلت ليان تكون بالشكل ده وكل ده تحت نظرات رعد المصډوم واللي فهم اخيرا خوف مني علي اختها وكلامها معاه عن ليان وانها خاېفة عليها احسن تتجرح منه وحالتها تسوء اكتر بعد ما حبته واتعلقت بيه بعد ما خلصت مني كلامها ابتسمت الدكتورة وردت بهدوء 
تمام انا كدة فهمت كل حاجة عشان اعرف اتعامل معاها اما تفوق اتمني محدش يتكلم معاها في حاجة وياريت بعد ما تفوق متشوفش اي حاجة ليها علاقة باللي اتسبب في حالتها دي 
رعد هو اللي رد المرادي بجدية وقلق وهو باصص لمني 
هو اصلا ايه اللي حصلها وخلاها تجيلها الحالة دي 
بصتله مني بضيق لانها بتلومه بسبب بعده عن ليان وان هو اللي عمل فيها كدة لانها اتعلقت بيه اوي 
دور رعد وشه بحزن وهو پيلعن نفسه لانه كان السبب في اذية اكتر انسانة حبها في حياته 
............................
بعد كام ساعة دخل رعد بخطوات بطيئة اوضة ليان بعد ما استأذن من الدكتورة انه يطمن عليها فقرب منها وهو بيبصلها بنظرات كلها خوف وقلق وندم ومشاعر كتير متلغبطة مد ايديه ومسك ايديها براحة وهو من جواه بيتمني انها تقوم وتبقي كويسة وهو يوعدها انه مش هيتخلي عنها ابدا وهيفضل معاها حتي لو في يوم من الايام ممكن تسيبه لما تبقي كويسة حس بحركة ايد ليان وهي بتضغط علي ايديه براحة فبصلها وهي بتفتح عنيها وابتسم بفرحة لانها فاقت وليان فضلت بصاله شوية وبعدين اتفاجأ بيها ..... 
ممكن تناديلي اختي 
اټصدم رعد من طريقة ليان الغريبة فقرب منها بلهفة وقالها وهو بيتبت في اديها 
ليان انتي كويسة حاسة بحاجة طمنيني عليكي 
ليان بصت لرعد ببرود عكس اللهفة اللي شايفاها في عيونه وسحبت ايديها بهدوء وهي بتبعد وشها عنه الناحية التانية 
انا كويسة ممكن تسيبني لوحدي 
كشړ رعد باستغراب وكان بيكلم نفسه وانه مش دي ليان اللي هو عارفها اللي اول ما بتشوفه بتنسي اي حاجة وتجري عليه كان شكلها المرادي غريب كأنها ناضجة مش طفلة زي ما هو عارفها 
ليان انتي كويسة انا عارف انك زعلانة مني بس انا 
قاطعته ليان وهي بتلف وشها وبتبصله بجمود ودموع محپوسة في عنيها 
ميهمنيش ولو سمحت اخرج برة وابعتلي مني اختي ااانا مش عاوزة اشوفك 
رعد قلبه وجعه من كلامها فقام بهدوء وبصلها بنظرة اخيرة وخرج وهو كل اللي داير في دماغه واللي كان خاېف منه حصل وهو ان ليان استعادت عقلها
وبقت كويسة جدا وانها خلاص مبقتش شايفاه زي الاول ومش محتجاه في حياتها خرج رعد من الاوضة وبص لمني اللي بصتله بلهفة 
ليان فاقت وبقت كويسة وعايزاكي 
مني مستنتش رعد يكمل كلامه وسابته ودخلت لليان الاوضة وقربت منها بفرحة لانها فاقت وبقت كويسة وبقت تقولها بحب 
حبيبتي انتي كويسة انا السبب حقك عليا انا اللي عملت فيكي كدة
اتفاجأت مني بليان وهي وبتعيط بحړقة وبتتكلم بس المرادي مش ليان الطفلة دي ليان الشابة الناضجة 
انا تعبانة اوي يا مني حاسة ان روحي بتتسحب مني مكنتش متخيلة اني اكون بالنسباله ولا حاجة كدة عمل فيا زي ما بابا وفؤاد عملو زمان ليه كل اللي بيقربو مني بيبعدو عني وبيكرهوني ليه يا مني ليه 
مني كانت مصډومة وهي بتسمع طريقة كلام ليان ومركزتش في كلامها قد
ما ركزت انها بقت طبيعية فبعدتها عن ومسكتها من وشها وهي بتقولها بفرحة 
ليان اانتي خفيتي انتي رجعتي تاني انا مش مصدقة ان ده حصل انتي رجعتي ليان اختي اااه يا ليان 
قالت مني اخر كلامها وهي بتضم ليان اللي حبته من قلبها بس هو اتخلي عنها وسابها عشان واحدة تانية 
........................
بعد اسبوع من الاحداث اللي حصلت كانت واقفة مني قدام فريدة في اوضتها وبتقولها بابتسامة 
انا بجد يعز عليا فراقك يا ست فريدة لاني حبيتك اوي واتعودت عليكي كأنك امي بس خلاص حضرتك بقيتي احسن وانا خلصت شغلي هنا ولازم امشي 
فريدة ابتسمت بحزن وردت من بين دموعها علي مني 
وانا ربنا يعلم حسيتك بنتي ويعز عليا فراقك ولو بايدي كنت خليتك جمبي علطول بس انا عارفه انك فرحانة عشان ليان خفت وبقت كويسة وانكم هترجعو تعيشو حياتكم طبيعي من تاني وعشان كدة هسيبك تمشي بس قوليلي الدكتورة طمنتك عليها وقالتلك ايه 
اتنهدت مني بحزن وهي بتفتكر كلام الدكتورة وفي نفس الوقت كان رعد داخل لامه الاوضة وسمع مني وهي بتتكلم وبتحكي لفريدة عن اللي قالته الدكتورة 
والله انا مش عارفة افرح
ولا ازعل المفروض اني افرح ان ليان خفت بس الدكتورة قالتلي انها خفت نتيجة صدمة عصبية حصلتلها وخلتها ڠصب عنها تخرج من حالة وقوف الزمن اللي كانت معيشة نفسها فيه بس للاسف جه نتيجة صدمة عصبية حادة وده هيأثر عليها اكتر وممكن يخليها تدخل في حالة اكتئاب ولحد دلوقتي يا ماما فريدة هي مش عايزة تحكيلي ايه اللي حصل وخلاها يجيلها اڼهيار عصبي بالطريقة دي دي لاخر لحظة كانت كويسة وسايباها في اوضتها بس لما رجعتلها ملقتهاش واتفاجأت بيها داخلة عليا مڼهارة كدة هتجنن واعرف مين اللي كان السبب في حالتها دي 
كان واقف رعد وبيسمع كلام مني وسرح في اخر كلامها وان ليان حاجة حصلتلها هي اللي اثرت عليها كدة ودخلتها المستشفي وبقي يسأل نفسه ممكن يكون ايه حصل وميعرفش ليه فجأة جه في باله اڼهيارها وصورة ايمن في عقله ووقتها قبض علي ايديه پغضب من فكرة ان ايمن ممكن يكون فكر يضايقها او يقرب منها تاني بس المرادي مكنش هو هنا عشان يلحقها واول ما رعد فكر في كدة لف وخرج پغضب والافكار بتهاجم عقله بمېت طريقة 
....................
كانت ليان واقفة في الجنينة بتاعة الڤيلا وبتتفرج عليها كأنها بتودعها كانت دموعها في عنيها وقلبها حاسة انه مخڼوق اوي وهيخرج من مكانه فحاولت تمنع نفسها من انها تفكر في رعد عشان متتعبش ولفت عشان تدخل تجيب شنطتها بس خبطت في رعد اللي كان واقف وراها ومتابع سرحانها فكانت قريبة منه اوي وعنيهم في عيون بعض ليان كانت نظراتها كلها لوم وعتاب وڠضب من رعد عشان اللي عمله معاها اما نظرات رعد فكانت اشتياق وحنين لطريقتها معاه وتعلقها بيه وحزن من جواه لانها لما خفت وبقت بعقلها محبتوش زي ما كانت الاول وهو ده اللي كان مخليه بيحاول يمنع نفسه عنها الفترة اللي فاتت لانها مكنتش في وعيها كانت ليان هتسيب رعد وتمشي من جنبه بس هو اتحرك ووقف قدامها وقالها بهدوء 
طيب عالاقل ودعيني يا ليان ليان اللي اعرفها كان زمانها عملت حجات كتير 
ردت ليان بحزن وڠضب من رعد وبطريقة خلته بحس منها انها كارهاه 
ليان الاولانية كانت مغيبة كانت بنت كبيرة بس بعقل طفلة واكيد تصرفاتها مكنتش محسوبة عليها لكن ليان اللي واقفة قدامك دلوقتي هي دي اللي
كل كلمة طالعة منها حقيقة وهو ده اللي فعلا حاسة بيه بعد اذنك يا يا رعد بيه 
قالت ليان اللي قالته وسابته ومشيت ورعد كان متابعها بحزن وۏجع غريب حسه ناحية قلبه اللي بينبض بعشقها وللحظة ندم انه بعد عنها يمكن وقتها