بقلم امل حمدي

متقطع بس هحاول انتظم
حبيبة أتمنى منك كدة هسألك سؤال ايه الفرق بين الألم والمعاناة
مي أعتقد مفيش فرق نفس المعنى بس المعاناة أشد من الألم 
حبيبة الألم بينقسم لحزئين نفسي وجسدي الألم الجسدي احنا بنقدر نكشفة ودة ألم محسوس بيكون أخف وأسرع في علاجة عن الألم النفسي أما بقى 
الألم النفسي بيكون معنوي حساه بس مش عارفة تعبري عنه محدش يقدر يحس بيه غيرك وبس مهما حاولتي تشرحي لحد الألم دة مش هيحس بيه ربع أحساسك
ولو حد حس بيه يبقى جرب نفس الألم . في آلام مش بنقدر نوصفها حتي لنفسنا ودة أصعب الألم النفسي أما المعاناة تكون رد فعل سواء للألم النفسي أو الجسدي سلوك خارجي بيصدر نتيجة الألم ........
في القاهرة 
الطبيب وهو يتفحص رغد قال تحبي يا رغد تبدئي الجلسات هنا ولا في البيت 
نادية البيت يا دكتور أفضل ليها 
الدكتور تمام هكتبلك على خروج بس المهم الراحة التامة والنفسية تكون هادية بلاش ضغط نفسي وعصبية وضيق عشان الاستجابة للعلاج الطبيعي يكون أسرع مفهوم 
علي مفهوم يا دكتور أن شاء الله خير 
رغد هو العلاج الطبيعي ده ياخد قد ايه 
الدكتور على حسب الأستجابة في ناس تلات شهور واكتر وفي ناس تاخد سنه على حسب متشغليش بالك بالمدة المهم العزيمة والإصرار والتقبل وبعد ثلاثة أسابيع تيجي هنا تفكي الجبس . 
علي تمام يا دكتور
في الخارج 
محمد مش هتدخل تتطمن على رغد يا يونس وتشوف الدكتور هيكتب لها خروج امتى
يونس لا مش عايز أدخل انا دمي محروق أصلا سبني 
محمد إزاي مش عايز رغد مراتك يا يونس المفروض تبقى معاها زي ظلها متفارقهاش مش أنا هعلمك واجبات الزوج ايه يا يونس أنا عارف اللي حارق دمك ظهور آسر مش كده 
يونس تعبت يابابا مش عارف قدري هيوصلني على فين مش قادر أمثل دور الزوج المزيف 
محمد زوج مزيف بس تصرفاتك مكنتش دليل على كدة أبدا تقبل الواقع يا يونس وشوفها بنظرة تانية قوم يا يونس عيب أوي لم الدكتور يكون بيكشف على مراتك وأنت مش واقف جمبها قوووم يا يونس 
فنهض يونس مع والده ودلف معه للغرفة
محمد خير يا علي الدكتور قال ايه 
علي هيكتب لها على خروج 
نادية لرغد متقلقيش يا حبيبة أمك أنا معاكي ومش هسيبك خالص 
يونس لنادية البيت بيتك براحتك هتنورينا 
نادية بقرف مين قالك اني هدخل بيتك انا قصدي بيتي رغد هتخرج تروح معايا 
يونس مش هيحصل رغد هترجع معايا على بتنا 
نادية بإصرار قولت هتروح معايا تبقى قدام عيني وأكملت بثقة أسألها شوفها عايزة مين فينا 
يونس هو يوجه كلامة لرغد عايزة تروحي مع مين يا رغد معايا ولا مع مامتك 
رغد .................
رغد بحيرة لا تعلم من ستختار ظلت تنقل بصرها بين الاثنين بصمت فجأة 
ينحني يونس بجسدة ويحملها بين يديه أردف طالما ساكته ومردتش يبقي عايزة تيجي معايا ونظر ل علي وقال بعد إذنك يا عمي وجه بصره لوالده بعد اذنك يا بابا خلص إجراءات الخروج
وأخذ رغد وخرج من الغرفة
نادية پصدمة وهي تفتح أعينها على مصراعيها أردفت بغيظ نزلها يا يونس بقولك واخد بنتي على فين 
علي وهو يكتم ضحكته ويمسك نادية أهدي يا نادية بلاش شغل الحموات ده يونس عمل الصح رغد الأفضل ليها
تروح مع جوزها أنا واثق أنه هيعرف يهتم بيها .
نادية أنت مبسوط عجبك كدة خطڤ البنت من وسطنا ومشي عادي واللي عمله معاها خلاص اتمسح 
علي قلبك أبيض وزي ما شوفتي بنتك معترضتش يبقي خلاص ويا ستي أبقي كل يوم روحي أطمني عليها
رغد في عالم آخر عندما وضع يونس يده حول خصرها و يده الأخري تحت ركبتها وحملها شعرت لوهله بقشعيرة غريبة أحتلت جسدها وقلبها يكاد أن ينفجر ويغادر جسدها من قوة نبضاته
يونس طبعا مستغربة رده فعلي 
رغد بصراحة أيوة مكنتش متوقعة كده 
يونس بذكاء سكوتك هو اللي قالي أتصرف كده لو كنتي عايزة تروحي مع مامتك كنتي اخترتيها بدون تردد
أكمل مغير الحديث طلعتي خفيفة جدا كنت متخيل انك أتقل من كده طلعتي لا طول ولا عرض ولا وزن
رغد وهي تبتسم على كلامة ولا ترد فأكمل طبعا لازم تتضحكي دلوقتي بنات مصر كلها حسدتك على وضعك دة نفسهم يبقوا مكانك
وعندهم زوج لطيف يدلعهم كده ويشيلهم
رغد وهي تنظر له بذهول لأول مرة ترى الجانب المرح ليونس
يونس وهو ينظر لها بطرف عينية قال حلو مش كده 
رغد بتوهان حلو أوي 
فأنفجر يونس في الضحك فأخفضت رغد بصرها خجلا منه 
يونس عادي متكسفيش أوي كدة أنا زي جوزك 
رغد بكسوف خلااااص بقا
في الاسكندرية 
داخل العيادة النفسية
حبيبة عارفة يا مي علاجك ايه 
مي ايه 
حبيبة أنك فعلا تحاولي تحسي بألمك وتتغلبي عليه وتداويه وتكملي الشئ اللي حاسه أنه موقف حياتك لو عملتي
كدة صدقيني ده هيعكس على تصرفاتك ويغيرها طول ما عندك ثقة أن محدش أفضل منك وراضية رضاء تام بنفسك بعيوبها قبل مميزتها
مي صعب جدا أعالج ألم مدته سنيين سايب نقطة سودة
جوايا بحاول بس مش عارفة معتقدش اني هتخلص منه بسهولة
حبيبة أنا مش بقولك عالجية بين يوم وليلة لا طبعا كل ألم لازم ياخد وقته عشان يلتئم المهم العزيمة والإصرار أنتي من جواكي عايزة تتخلصي من العقدة اللي عندك بس نفس الوقت دماغك رافضة التعافي وعايز يتعافى 
مي مش عارفة أنا عايزة ايه بالظبط 
حبيبة سؤالي كان بهدف لان المرة اللي فاتت توترك وخۏفك وحركات جسمك كأنك كنتي مجبرة على كدة
مي فعلا كنت مجبرة وخاېفة بس لم أتكلمت معاكي غيرت رأي
حبيبة أول حاجة هتثقي بنفسك أكتر من كده وتحددي أهدافك وتحاولي تنتظمي في صلاتك.
تاني حاجة هتستغلي وقتك في التصوير في الحاجة اللي بتحبيها وتالت حاجة بقا لازم تحبي نفسك عشان تتخلصي من العقدة اللي عندك 
عشان تعيشي مرتاحة يا مي أشغلي وقتك بنفسك وبس مالكيش دعوة بحد حاولي بقدر الإمكان تركزي على الحاجات اللي بتحاول تغير نظرتك لأي شئ انتي شيفاه 
مي تمااام 
حبيبة كفاية كدة النهاردة عليكي هنتقابل الاسبوع الجاي في ميعادنا اتفقنا 
مي اتفقنا
في القاهرة 
في شقة يونس 
محمد وهو يفتح باب الشقة وخلفه يونس يحمل رغد أردف حمدالله على سلامتك يا بنتي نورت بيتك ووجه نظرة ليونس قال يلا يا يونس
دلف يونس الشقة ولكن تفاجأ ب رد فعل غريب من رغد جسدها يرتعش پخوف 
يونس مالك يا رغد 
رغد بنظرات خوف وهي تنظر لكل ركن من أركان الشقة تذكرت الرجل المقنع ودخول آسر المفاجئ قالت بخنقة مش عايزة أقعد هنا بعد اللي حصل الراجل كان عايز .......
يونس بمقاطعة أنا مش عايزاكي تخافي محدش هيقدر يقرب منك تاااني أنا معاكي ومش هسيبك طول ما انا موجود مش هسمح لأي شئ يضرك يا رغد 
محمد بتفهم دخل مراتك أوضتكم يا يونس
اتجه يونس برغد لغرفتة
رغد أنا عايزة أروح أوضتي 
محمد بأستغراب سلامتك يا رغد أنتي في أوضتك 
يونس وهو يضع رغد على الفراش وهمس في أذنها بصوت منخفض قال ممكن تسكتي متكلميش هتكشفينا 
محمد خلي بالك عليها يا يونس 
يونس حاضر متخافش يا بابا أنا عارف هعمل ايه أنا خدت إجازة من الشغل وهفضل معاها طول الوقت 
محمد ربنا يقويك يا ابني وتعدوا من الأزمة دي عايزة حاجة يا رغد 
رغد سلامتك يا عمي تسلم
وتركهم محمد ورحل
رغد أنت ليه هتقعدني في أوضتك 
يونس شكلك ناسية أن احنا قدام الناس زوجين وطبيعي جدا دة مكانك يلا يا رغد ارتاحي دلوقتي الوقت اتأخر عشان بكرة أن شاء الله الدكتورة هتبدأ معاكي
الجلسات 
رغد انت هتنام فين 
يونس هنام جمبك يا رغد مينفعش اسيبك في الأوضة لوحدك لو احتاجتي حاجة نادي عليا هقوم علي طول
تسطحت رغد على الفراش ولكن وجدت يونس يقوم بوضع المخدات كحدود فاصلة بينهم بعد أن انتهى تسطح يونس على الجانب الآخر على ظهره وأغمض عيونه 
رغد وهي تنظر له وهو مغمض العينين وتنظر للحدود الفاصلة بينهما أتى في ذهنها هل سيأتي يوما وستنكسر هذة الحدود ام لا 
يأتي يوم جديد يستيقظ يونس على صوت جرس الباب فينهض من على الفراش بكسل وينظر لهاتفة يجدها الساعة التاسعة صباحا 
يونس بنعاس مين الرخم اللي جاي على الصبح 
نهض بضيق واتجة وفتح باب الشقة 
وجد نادية أمامه 
نادية بإقتضاب ساعة عشان تفتح رغد فين صاحية ولا نايمة 
يونس صباح النور يا ست الكل رغد لسة نايمة 
نادية بغيظ أوعى من وشي كده عايزة أشوف بنتي مش كفاية اللي عملته امبارح 
ودلفت للداخل 
يونس وهو يمسح بيده على وجهه وأردف الصبر ياااارب 
وأغلق باب الشقة والټفت وجد نادية خلفه 
يونس بخضة حضرتك لسه هنا انا افتكرت انك ډخلتي 
نادية فاكرني ست متعرفش الذوق هدخل كدة واقتحم أوضتكم الخاصة لا طبعا بتقول ربنا يصبرك المفروض انا اللي ربنا يصبرني مش أنت يلا أدخل صحي رغد وعرفها اني جيت عشان ادخل عندها ........فيقطع حديث نادية صړخة رغد
يونس ونادية وهما يركضان للغرفة وجدوا رغد ..........
دلف كل من يونس ونادية للغرفة وجدوا رغد على الأرض وتبكي 
نادية پخوف وقعتي ازاي وأخذت تتفخص جسدها ووجها بړعب واكملت. أنتي كويسة في حاجة وجعاكي 
رغد أنا كويسة يا ماما سمعت صوتك بره كنت عايزة أقوم بس أفتكرت إني ....... واڼفجرت في البكاء
نادية وهي ټحتضنها طيب خلاص إهدي أنا معاكي أهو
رغد بحزن.
مش عارفة أخد على الوضع الجديد ده صعب أوي 
يونس معلش يا رغد استحملي وقت مؤقت
في الاسكندرية 
تجلس مي على البحر وفي يدها الكاميرا تلتقط بعض الصور وفجأة يظهر شخص أمامها يحجب عنها الرؤية 
مي ممكن تبعد بعيد لو سمحت 
الشخص ببرود لاااااا مش هبعد 
اتجهت مي لهذا الشخص وأردفت بعصبية هي غلاسة وخلاص هو في ايه المكان واسع 
الشخص بعند أنا عجبني المكان هنا 
مي بقرف على فكرة أنت شخص قليل الزوق المكان عندك أشبع بيه 
وتركته ورحلت من أمامه لأن اليوم ميعاد جلستها
النفسية
خرجت مي من المكان وهي تتحدث بغيظ مع نفسها عن هذا الشخص العنيد 
أخرجت هاتفها من حقيبتها واتصلت على آسر 
مي أنت فين يا آسر
آسر ف البيت يا مي 
مي يعني ايه مش جاي معايا 
آسر بكسل لا يا مي معلش المرة دي مش هقدر 
مي تمام يا آسر 
وأغلقت الخط 
عند آسر يجلس في غرفتة يقف أمام المرآه يداوي چرح وجهه أردف پألم الله يخربيتك إيدك تقيلة أوي دي مش إيد دي حديد وقعتي في الشخص ده إزاي وأمتى يا رغد
ف العيادة النفسية 
حبيبة هااا يا قمر انا شايفة أنك احسن عن المرة اللي فاتت 
مي بحماس جدا فعلا عندك حق بحاول انفذ كلامك 
حبيبة كويس جدا واضح كده مش هناخد جلسات كتير لو في استمرار على الحماس ده
مي بحاول اعتمد على نفسي ومفكرش في أي شئ يعكر مزاجي ولا أشغل بالي بأي حد مضيعش وقتي على الناس وأحوالهم عشان متعبش
حبيبة براڤوا وجهه النظر بدأت تتغير
مي بعد تفكير طويل قررت أشتغل في مجال التصوير 
حبيبة حلو أوي عارفة يا مي بالرغم من خطۏرة العقدة اللي عندك بس حلها بسيط جدا في الخطوة التانية عارفة هي ايه 
مي لا مش عارفة 
حبيبة إصلاح علاقتك بأهلك ووجهه نظرهم بس
في القاهرة 
تجلس الطبيبة أمام رغد وتفعل لها التمارين لتتحسن 
رغد پألم لا في ۏجع 
الطبيبة وهي تحرك أصابع قدمي رغد معلش يا رغد استحملي 
أنت أقوى من كده ولا مش عايزة تقومي على رجلك تاني 
رغد بأمل عايزة النهاردة قبل بكرة 
الطبيبة إن شاء الله يبقى تسمعي الكلام وركزي معايا في كل خطوة عارفة كان في بنوته أصغر منك وخفت في تلات شهور لأنها كانت متحمسة أنها تخف بسرعة بنت كمان خفت في شهر واحد وكتيير أوي زيك وأصعب خفوا
في وقت قصير عارفة كانوا بيعملوا ايه 
رغد ايه 
الطبيبة كانوا وقت كل جلسة يطلعوا أقوى طاقة عندهم برغم الألم اللي كانوا بيحسوا بيه كانوا بيواجهوا بكل قوتهم عشان كان عندهم هدف أنهم يخفوا بسرعة 
الهدف كان واحد بس الإرادة والقوة هي اللي بتحدد المدة للوصول للهدف
كانت الطبيبة تحفز الروح المعنويه لدى رغد لتحصل على استجابة سريعة منها
أخذت تمرن قدميها لمدة ساعة ونصف
أردفت كفاااااية كده النهاردة واضح انك تعبتي 
نادية وهي تمسح عرق جبين رغد قالت پخوف أيوة كفاية مش شايفة شكلها بقى ازاي معلش يا بنتي كله خير ولمصلحتك
تخرج الطبيبة من الغرفة فينهض يونس ويقول اي الأخبار يا دكتورة 
الطبيبة تمام إحنا لسة في البداية يا أستاذ يونس متقلقش هي عندها إرادة بس الألم هو المسيطر عليها وعشان تستجيب للعلاج لازم النفسية تكون مهيئة أنا بحاول معاها وإن شاء الله هتبقى كويسة 
يونس شكرا يا دكتور معلش هنتعبك معانا 
الطبيبة لا شكر على واجب عن إذنك
بعد ثلاث أسابيع تذهب رغد إلي المشفى لفك الجبس 
وبالفعل قامت بفكه وأصبحت بإمكانها تحريك يدها وعادت طبيعية كما كانت 
يونس حمدالله على سلامتك خلصنا أول مرحلة أخيرا ندخل على المرحلة الأخيرة وترجعي زي الأول وأفضل 
رغد الحمدلله أتمني بس لسه شكل موضوع العلاج الطبيعي هياخد وقت كتير 
يونس يعني مش كتير أوي خلاص قربتي تخلصي المرحلة الأولي في العلاج وباقي مرحلتين كله هيعدي يا رغد أنت أقوى من كده وأنا معاكي للنهاية 
رغد بتردد يونس عايزة اطلب منك طلب 
يونس اطلبي يا رغد 
رغد عايزة اشتري هدية لماما 
يونس هو ده طلبك وماله نروح المول ونختار ليها هدية
وأخذها وخرج من المشفى 
بعد مدة وصل يونس بسيارتة أمام المول ونزل منها واتجة الجهه الأخرى ناحية رغد 
رغد لا يونس أدخل أنت وأنا هستنى هنا 
يونس برفض لا طبعا هتدخلي معايا وأنحنى بجسدة وحملها وأغلق الباب بقدمة 
دخل يونس المول وهو يحمل رغد اتجهوا إلى محل الفضة 
رغد محل فضة ليه 
يونس هنجيب هدية لمامتك 
رغد بفضول زي ايه
يونس هنجيب ساعة فضة حريمي شيك 
رغد بس....... 
يونس بمقاطعة ممكن تسكتي 
اتجه يونس برغد ناحية المقعد ووضعها عليه واتجة لصاحب المحل أردف ممكن أشوف الساعات الحريمي الفضة 
البائع ثواني يا فندم 
وأحضر له مجموعه من الساعات 
يونس ممكن ثواني أخلي المدام تشوفوهم 
البائع طبعا براحتك يا فندم 
أخذ يونس الساعات واتجة لرغد قال اختاري 
رغد بإعجاب كلهم تحفة أوي بس دي عجباااني 
يونس تمام 
وتركها وذهب للبائع مرة أخري 
يونس هناخد دي بكام 
البائع اربعه مئة وسبعون ج
يونس تمام هناخدها 
قام البائع بوضعها في العلبة الخاصة بها قام يونس بدفع الحساب وحمل رغد وخرج 
رغد وهي بين يديه هنروح فين تاااني 
يونس هتشوفي 
ودلف بها محل شنط حريمي 
رغد زوقك
راقي ف التسويق 
يونس بإبتسامة ما أنا عارف
رغد وهي تشاور بيدها على شنطة من اللون البني أردفت