الحب كامله
اللي تشوفوه قال يعني مؤدبه وكدا
اممم عندك حق انا اصلا مش موافق
مش موافق ايييي وانت مالك اصلا هو انت اللي هتتجوز
ابوه اظهري ي سهونه اظهري خلاص هروح اقوله انك موافقه جتك القرف انتي وهو
اتكلم علي جوزي حلو يالا
اييي جوز مين ي بت وانا كيس جرافه واقف اظبطي نفسك
خلاص ي اسطاا روح بس قولهم اني موافقه
خد يالا ي شريف اه ي واطي
تطلع تجري وراه
بابا بتقول مش موافقه
مين دي اللي مش موافقه ي كذااااب
اهو شوف مش موافقه
والمصحف موافقه موافقه
خلاص عرفت انك بټموتي فيا خلاص
طب اعملي حسان ليا طيب الراجل يقول اي واقعه
تتكسف وتبص ف الارض
لا ي شيخه عملالي فيها مكسوفه
هتكتم ولا اقول لبابا مين اللي اخد بوكيه الورد اللي كان عامله لفرح الزبون وراح يشقط بيه
اااااه تصدقي بالله يوسف دا خدمك وخدمني وخدم البشريه كلها وظلم نفسه
هااا
خلاص ي بومه جتك القرف
بس يالا انت وهي خلاص ي يوسف مستنيك بكره ان شاء الله انت واهلك عشان نقرأ الفاتحه ونتفق علي معاد الخطوبه
ييجي تاني يوم ويجهز يوسف نفسه ويروح هو وصاحب باباه ويعدي ع محل ورد وياخد بوكيه ورد ويروح يخبط الباب وشريف يفتحله ويستقبلهم ابو حنان ومامتها يقعدو
اقدملك ي عمي سياده اللواء مختار صاحب والدي الله يرحمه
اهلا وسهلا ي سيادة اللوا منورنا
دا نورك والله بس افضل تقولي ي مختار احسن احنا خلاص هنبقي اهل ويوسف اكتر من ابن ليا
اومال فين عروستنا
جايه حالا نادي ع حنان ي ام حنان
من عنيا
تقوم تنادي عليها شويه وتدخل حنان بفستان احمر ساتان وشايله ف ايديها صنيه الشربات
ما شاء الله زي القمر ي بنتي ي زين م ربيت ي حج ابو حنان
دا من زوقك والله
تقدم الشربات وتيجي عند يوسف ويفضل مبحلق فيها
احم الشربات
فعلا شربات
يفوق وياخد كوبايته
خلاص يبقي الخطوبه الخميس الجاي
بعد اذنك ي عمي انا عاوز كتب كتاب علي طول وياريت الفرح كمان
لا كتب كتاب وفرح اي
ي عمي احنا قعدنا شهر
مع بعض برا يعني عارفها وعرفاني وكمان عشان اقدر اخرج معاها براحتي
اصل يعني
ولا اصل ولا فصل ي ابو حنان يوسف عنده حق عشان يبقو علي راحتهم خلاص نخليها كتب كتاب
اللي تشوفه ي بابا
يبقي علي بركة الله نقرأ الفاتحه
يقروا الفاتحه ويتفقوا علي كل حاجه ويمشي يوسف وقبل كتب الكتاب بيومين حنان واقفه ف المحل
ممكن تعمليلي احلي بوكيه ورد لاحلي وردايه ف حياتي
يوسف بتعمل اي هنا
جاي اخد ورد لمراتي
وطي صوتك الله يخربيتك انت ومراتك بجد جاي ليه
وحشتيني
تضحك انت كمان وحشتني اوي بس امشي بقا قبل بابا م يشوفك
انتي ليه محسساني اني شاقطك ي بنتي كتب كتابنا بعد يومين والله
وهيتكتب كتابنا ازاي واحنا متجوزين اصلا
احم مهو احنا اللي بينا دا مجرد عقد متسجلش لسه يعني زي عرفي كدا
نهارك اسود متجوزني عرفي
وطي صوتك ي مجنونه اومال كنت هجيبلك مأذون ف روسيا منين
وانا اقول الواد جاب مأذون منين اتاريني متجوزه عرفي علي اخر الزمن
عشان تبقي تبطلي تنمر
صح دا اخرة التنم... اي دا انت عرفت منين
هو انا ببيع بليله قدامك ظابط ي ماما ها ظابط
ماشي ي عم الجامد
والله انت اللي جامد م تجيبي
اتلم
اهلا ي يوسف ي بني
احم اهلا ي عمي ازي حضرتك
بخير خير اي اللي جابك
ابدا كنت معدي قولت اجي اسلم علي حضرتك استأذن انا بقي
مع السلامه ي بني
يوطي علي حنان يوشوشها
سلام
