رواية حي بداخلي كاملة بقلم عهد عامر

ابدا انا اتفاجأت امبارح زيي زيك
موج لا بقى دانتى تحكيلى
حكتلها مريم كل اللى حصل
موج ايوه بقى مبارك يا عيونى وربنا يتمم بألف خير يا رب
مريم الله يبارك فيكى انا عارفه انك ممكن تكونى زعلانه عشان ادهم وكده بس...
قاطعتها موج وهى بتمسك ايدها بالعكس انا فرحانه ليكى اوى اهى حاجه هتحصل تخرجنا من الى احنا فيه شويه انا هتفق مع بابا ونعمل الخطوبه هنا ف جنينه الفيلا تبقى حفله صغيره على ادنا ايه رأيك

مريم لا طبعا بابا ويامن مش هيوافقوا
موج ملكيش دعوه انتى ياسين هيقنعهم
مريم لو اقتنعوا اشطا انا معاكي تعالى ننزل تحت عشان يامن حتى. 
.... 
يامن كان بيتكلم مع كامل وياسين وانه هيخطب مريم وعرضوا عليه فكره ااخطوبه تبقى ف البيت عندهم
ويامن رفض لحد م فونه رن وكان ادهم وقاله ان دى فكره كويسه يصطادوا بيها اللى بيساعد خالد على الاقل ووافق يامن. 
...... 
موج وسها ورحمه ومريم نزلوا يختاروا فساتين عشان خلاص مفيش وقت والحوا على موج انها تنزل معاهم ووافقت بعد معاناه واخدوا معاهم يامن وياسين والحرس اكيد. 
. 
فى المول.... 
دخلوا البنات محل الفساتين وكل واحده معاها شريكها بيختار ليها حتى رحمه ياسين كان بيختارلها وموج كانت واقفه بتفتكر ادهم وهو بيختار معاها كل حاجه استغلت انشغالهم وراحت وقفت بعيد عنهم وهى بتفكر فى ادهم جه صوت من وراها
خالد فكرتى يا حلوه
موج اتنفضت وبصت وراها بسرعه لقيته ماسك مكنسه وجاروف ومغير ف شكله
موج والله لو م بعدت يا خالد لاصوت والم عليك الناس
خالد وماله صوتى وقصاد صويتك هتخسرى الكتاكيت اللى هناك فكرى ف اللى قوتهولك ومعاكى لبكره بعد الحفله
واختفى زى م ظاهر موج بقيت واقفه بتترعش وخاېفه ودموعها نزلت ومن بعيد ادهم مراقبها وخاف عليها جدا وفى اللحظه دى عقله وقف وقلبه اللى اشتغل وراح ليها
موج بتتلفت وراها عشان تتأكد ان خالد مشى ولا لا وبصت قدامها لقيت ادهم واقف ليها وهو مبتسم.
موج ادهم. 
يتبع....
الحلقة التاسعة.
موج ادهم انت عايش صح انا مش بتخيل.
ادهم لا موجة قلبى انا عايش تعالى معايا بسرعه قبل م حد يشوفنا.
شدها من ايدها بسرعه وجريوا ع العربيه بتاعته وركبوا وطلع بيها على الشقة بتاعتهم وبعت مسدج لياسين قاله اللى حصل باختصار وان موج معاه ويتحججلهم بأى حجه.
وصلوا الشقه وطلعوا سوا وادهم كان متنكر وماشى ورا موج زى الجارد كده عشان حتى لو حد شافهم ف هما خلاص اتعودوا ان موج بتيجى الشقة هنا.
دخلوا الشقه وادهم قفل الباب 
..... 
فى المول
سها بتتلفت ملقيتش موج
سها بخضة ياسين موج فين مش موجوده
الكل انتبه ان موج مش موجودة ويامن بلغ الحرس انه يشوفها فين 
وياسين مسك الفون وكان هيرن عليها لقى المسدج من ادهم اطمن 
ياسين احم موج بعتالى مسدج بتقولى انها تعبت وطلعت على شقة ادهم وخدت حد من الجارد معاها.
انهى كلامه وغمز ليامن اللى اتأكد ان أدهم ظهر لموج.
يامن طيب ايه يلا بينا عشان منتأخرش اكتر من كده!
مريم اه يلا انا خلصت وانتى يا رحمه
رحمه انا كمان خلصت وسها
سها وهى ماسكه دماغها اه اه خلصت و...
مكملتش كلامها وكانت فاقده الوعى بين ايدين ياسين 
شالها ياسين وجرى بيها على المستشفى وكلهم معاه. 
.. 
موج كانت هديت ومرضيتش تخرج من حضڼ ادهم وكانو قاعدين على الارض
ادهم خلاص يا حبيبى خلاص انا اهو قدامك.
موج سبتنى ليه كل ده يا ادهم انا اتعذبت وانت مش موجود كل واحد كان بيستنى فرصه عشان يجرحنى اكتر يا ادهم.
ادهم حقك عليا من كل اللى حصل ده انا هاخد حقك ومش هرحم اى حد احكيلى يا حبيبتى خرجى كل اللى جواكى.
موج خالد ضړبنى وفتح دماغى يا ادهم وودانى مستشفى المجانين وهناك دكتوره ادتنى حقنة ونزلت البيبى خلونى اخسر ابنى يا ادهم خسړت الحاجه الوحيده اللى كانت مصبرانى على كلامهم معايا كلهم اتهمونى انى اټجننت عشان قولتلهم انك عايش وانا طلعت صح انت عايش اهو صح.
ادهم صح يا روحى صح حقك عليا انا السبب فى كل اللى حصلك ياريتنى كنت قدمت على استقاله عشان ميحصلكوش كل ده.
موج وهى بتخرج من احكيلى انت ازاى قالولنا انك مت واستلموا الچثة ودلوقتى انت قدامى اهو.
ادهم تعالى نقعد فى الليڤنج وانا احكيلك
قعدوا ف اللليڤنج وادهم جابلها مايه 
قعد جنبها ومسك ايدها
ادهم بصى يا ستى المهمه اللى انا كنت فيها كنا بنطارد اكبر عصابه مخډرات فى مصر مكانهم كان على الحدود كده او قريب منها من خلال البحث عنهم ومراقبتى ليهم اكتشفت ان فيه شخص بيتردد عليهم كل شويه وهو متخفى يعنى لابس بلطو طويل وكاب بحيث انه يبانش منه حاجه خاطرت واصريت اتنكر وابقى من رجالتهم عشان اعرف مين الشخص ده وقد كان دخلت بينهمم واتعاملت عادى معاهم لحد م اكتشفت ان الشخص ده خالد اخوكى
موج پصدمه ايه خالد! 
ادهم اه وف يوم حددوا معاد تسليم والمرادى خالد كان هيحضر استنيتهم خلصوا كل حاجه ووقت الراحه انا اتسحبت وروحت للكتيبة بتاعتى وبلغتهم كل حاجه ولانى عارف انهم كشفونى كنت زرعت مايك ف كل مكان

عندهم وبقيت اسمع كل حاجه وحددوا المعاد الصح ووقتها هجمنا عليهم خالد جرى وهرب لما شافنى والباقى دخلنا ف اشتباكات بس رئيسهم هرب ومهما كنت ادور عليه ملقتهوش لحد م القياده هنا بلغونى انى لازم اختفى عشان فيه خطړ على حياتى وانهم هيحطوا چثة مكانى على اعتبار انه انا واتصابت ومت فى العمليه اللى حصلت وقد كان والقياده بعد اللى حصلك بلغونى اتارى الاستاذ خالد كان بيساعد العصابه انهم ياخدوا حقهم منى فيكى وف أذاكى.
موج طيب وخالد هيستفاد ايه من كل ده
ادهم هيكسب ثقة الريس هناك ومش بعيد خالد يكون متعشم انه هيبقى دراعه اليمين.
موج عشان كده قدر يهرب من السچن
ادهم اه قدر يهرب وقدر يعمل كل االى بيعمله ده بس الحاجه اللى وجعانى بجد يا موج ان فيه حد من جوه البيت عندنا بينقله كل اخبار البيت اول بأول
موج پخوف حد مين
ادهم وهو بيمسك ايدها مش عارف يا حبيبتى المهم انك تاخدى بالك واى حد يسألك انتى كنتى فين قوليله انك تعبتى ورجعتى على الشقه هنا ومتجيبيش سيره لاى حد انى عايش ياسين ويامن بس اللى يعرفوا
هزت موج دماغها بشرود وادهم لاحظ ده ولاحظ حزنها اللى زاد بعد م حكالها كل حاجه
ادهم مسك كل حاجه هتعدى يا حبيبتى ده اختبار لينا من ربنا ايوه صعب بس احنا قده وهنعديه زى ما عدينا غيره.
موج يا رب يا ادهم يا رب.
ادهم انتى وحشتينى اووى يا موجة قلبى
موج بخجل وانت كمان يا ادهم ووحشتنى موجة قلبى دى
ضمھا ادهم زياده وقال ربنا م يحرمنى منك لاخر العمر يا يا رب. 
..... 
فى المستشفى
الدكتوره خرجت من عند سها مبارك المدام حامل
الكل فرح ويامن حضڼ ياسين وباركله وياسين دخل للاوضة وهما سابوه احتراما لخصوصيتهم.
ياسين وهو بيبوس ايد سها مبارك يا حبيبى مبارك
سها انا مش قادره اصدق يا ياسين اخيرا هبقى ام
ياسين الحمد لله الحمد لله يا حبيبتى ربنا جبر بخاطرنا وخلانا اسعد اتنين.
سها الحمد لله ياسين انا عايزه اطلع صدقه كتير وكمان عايزه انزل اشترى حاجات للنونو واجهزله الاوضه بس انا مش عارفه اعملها bink ولا blue.
ياسين بضحك يا قمر انتى لسه حامل مكملتيش شهرين نستنى شهرين زيهم ونشوف النونو نوعه ايه ونجهز احلى اوضة لاحلى بيبى فى حضڼ ادهم نايمه فونها رن وكان رحمة صحاها عشان ترد عليها
موج احم السلام عليكم ورحمة الله وبركاته ايوه يا رحمه
رحمة بهجوم انتى فين يا ست موج ولا استحليتى القعده عندك وناسيه الترتيبات اللى بتحصل هنا
موج الله يهديكى يا رحمه مش ناسيه حاجه انا جايه اهو مسافه الطريق
قفلت معاها وبصت لادهم مينفعش تيجى معايا
ادهم بابتسامه معلش يا حبيبى نستحمل كام يوم بس وهظهر للكل.
موج المهم انك معايا هقوم دلوقتى واروح لهم على الفيلا وكل يوم هاجى هنا لحد م تظهر.
ادهم طيب يلا وانا هوصلك
موج اخدت شاور وغيرت لبسها وادهم كذلك ولبس كاب عشان الميكب كان باظ ونزل
وصل موج بعيد عن الفيلا وراقبها لحد م دخلت وهو رجع تانى على البيت. 
..... 
دخلت موج لقيتهم كلهم متجمعين وبيضحكوا راحت عليهم بفرحة
متضحكونى معاكم
سها الله الله مش واخده بالك من حاجه يا مريم
مريم يا سلام وانا اتوه عنها يا سها
موج انتو بتغنوا وتردوا على بعض م حد يفهمنى يا جدعان
سها وهى بتلف حوالين موج امممم الناس اللى خلعت وسابتنا عشان تروح قعد مع حبيب القلب شويه.
اتوترت موج وكانت فاكره ان ياسين بلغهم ان ادهم عايش بصت على ياسين طمنها بعينه انه مقالش حاجه
موج يا سلام مانتو كل واحده كان معاها حبيب القلب جات عليا انا يعنى
الكل ضحك وقعدت موج بينهم وبلغوها بحمل سها
موج بتهزروا مبارح يا روحى ربنا يجعله ذريه صالحه يا رب
كلهم امنوا على دعائها.
سها يارب ويعوضك كل خير 
موج بشرود عوضنى والحمد لله يا سها. 
..... 
بعد ساعه يامن استأذن واخد مريم معاه ياسين اخد سها وطلعوا ينامو ورحمة دخلت اوضتها.
دخلت موج اوضتها وغيرت هدومها واتوضت وصلت قيام الليل وركعتين شكر لربنا انه رجعلها ادهم بالسلامه ونامت عشان تستعد لبكره. 
.....
على التليفون 
ادهم احنا معندناش وقت لازم نبدأ ف تنفيذ الخطه انهارده
ياسين انهارده ازاى كله نام
ادهم رحمة اكيد سهرانه بتذاكر روح قولها ونبقى بدأنا بيها.
ياسين ادهم احنا هنخيب ولا ايه اختك مستحيل تعمل حاجه زى كده.
ادهم محدش فوق مستوى الشبهات يا ياسين كله هيتحط فى الاختبار حتى بابا.
ياسين تمام يا ادهم اقفل وانا هروح اقولها. 
... 
راح ياسين اوضه رحمه وكان رايح يخبط سمع صوتها بتضحك وبتقول لا بس جدع خوفتها وكانت مړعوبه لدرجه انها روحت من المول لشقتها مجتش منها غير اخر النهار......... خلاص انا بكره هزوغ من الدرس واجيلك يا حبيبى.
ياسين پصدمه انتى يا رحمة.
يتبع..
الحلقه العاشرة
ياسين پصدمة انتى يا رحمه!
حاول ياسين يمسك اعصابه وخبط على اوضتها رحمة اول م سمعت الخبطت قفلت بسرعه مع خالد وسابت الفوت ومسكت الكتاب كأنها بتذاكر.
رحمه ادخل
دخل ياسين وقفل الباب وراه وحاول يتعامل عادى معاها
ياسين ايه اللى مصحى القمر كل ده
رحمة عادى بذاكر يا أبيه
ياسين ربنا يقويكى يا حبيبتى
رحمة يا رب خير يا أبيه محتاج حاجه
ياسين احم بصى يا رحوم انتى اختى الصغيره وبنوتى الاولى اللى بحبها وبعشقها صح
رحمة طبعا يا أبيه انا يابختى بوجودك انت وابيه ادهم الله يرحمه ف حياتى
ياسين ربنا يديمك يا حبيبتى انا مش عايزك تخبى عليا حاجه كل حاجه تحصل قوليلى عليها وهتلاقينى دايما ف ضهرك.
رحمة بتوتر اكيد