رواية بقلم ولاء يحي

وخرج وهي فضلت قعده مكانها مش بتتحرك الطلاب كلهم خرجوا وهي فضلت قعده شويه وخرجت وراحت لمكتبوا بس واقفت قدام الباب مش عارفه تخبط ولا تمشي وعمران كان رايح جاي في المكتب ويسأل نفسه ياترى هتيجي وبعد شويه حس بحد واقف على الباب فوقف مستنيها تخبط لما اتأخرت ومخبطتش قلق فراح وفتح علشان يشوفها موجوده ولا لآ فتح الباب بسرعه لقها قدامه ندا اتخضت و لسه هتمشي
عمران بسرعة انسة ندا  
ندا بارتباك افندم يا دكتور حضرتك عاوزني 
عمران بابتسامة اتفضلي في المكتب عشان نتكلم
ودخل وسابها وهي اترددت شويه وبعدها دخلت بس سابت المكتب مفتوح
ندا وهي واقفه بارتباك خير يا دكتور
عمران بابتسامة اتفضلي اقعدي
ندا بصت لكرسي اللي شاور عليه وقعدت على طرفه بارتباك
عمران حس بارتباكها انا قبل ما اديكم محاضرات سمعت عنك من الدكاترة الكل بيشكر فيكي وفي الابحاث اللي بتعمليها وكلهم متوقعين انك هتكوني الاولي على الدفعه بتاعتك ولما اديتكم محاضرات وشوفت مناقشتك واسالتك اتأكدت أن رائيهم فيكي في محله وانك فعلا تستحقي التقدير 
ندا بابتسامة وكسوف متشكره لحضرتك
عمران بابتسامة انا بعتلك علشان اقولك ان الجامعات على مستوى مصر السنه دى عمله مشروع جديد مسابقة بين الطالبه المتميزين ندا انتبهت لكلامه وارتباكها راح وقعدت كويس وهو ابتسم انه قدر يكسر حاجز بينهم 
عمران المسابقة هتجمع الطالبه اللي هيشتركوا من كل الجامعات وكل جامعه هتقدم مشروع أو اكتر للطلابه اللي هيشاركوا باسمهم والطالب اللي هيكسب هياخد الكورسات اللي يختارها في الجامعه الأمريكية مجانا المسابقة مش للطلبه وبس هي لدكاترة كمان كل دكتور هيشترك بيكتب اسمه كامشرف على واحد من الطلبه اللي هينفذ المشروع أنا لما سألت في الجامعه عن الطالبه اللي متميزين لاني لسه راجع من لندن من كام شهر ولسه معرفش الطالبه قالوا على اسامي كتير بس الكل اجمع عليكي انتي ويبصلها ويبتسم انا لما جت ليكي الكافتريا كنت جاي أسألك لو حابه تشتركي وتكوني تحت اشرافي 
ندا اتكسفت اوي انا اسفه يا دكتور انا ماكنتش اعرف حضرتك وافتكرتك وسكت مكسوفه 
عمران بابتسامة افتكرتيني بعاكسك ندا اكسفت اكتر عموما انا اتمنى انك توافقي تدخلي المسابقة تحت اشرافي 
ندا بكسوف انا مبسوطه أن حضرتك اختارتنى بس انا خاېفه ماكنش قد المسابقة وتخسر بسببي حضرتك بتقول كل الجامعات على مستوى مصر واكيد فيه طلاب كتير هيشتركوا 
عمران بابتسامة ندا انا هدفي مش المكسب وبس المشروع مش هيكون صعب زي ما انتي فاكره دا هيكون عمل فني حيطه في شارع و جناح في مستشفى الأطفال هنجهز حيطانه مدرسه هنرسم عليها الهدف من اشتراكي هو اني نفسي اغير لو جزء بسيط من المنظر حاولين الأطفال بس طبعا لو كسبنا هكون مبسوط
ندا تبتسم وانا موافقة يا دكتور اناكمان نفسي يكون كل الأماكن اللي فيها اطفال جميل لان دا هيفرق في تكوين شخصيتهم 
عمران بفرحه يبقى اتفقنا ويفتح دوسيه قدامه ويطلع ورقه دي استمارة الاشتراك امليها ببياناتك انا كاتب بيناتي تحت في الإشراف
ندا تبتسم وتأخذ الورقه وتمسك القلم و هي بتملى الاستمارة موبيلها رن فطلعت التلفون
ندا بكسوف ممكن ارد على اختي 
عمران بابتسامة اكيد طبعا اتفضلي
ندا قامت واقفت بعيد شويه الو ايوه يا اميره وصلتي
أميرة بضيق لا لسه في المستشفى عندي شغل بعد ما كنت خلصت جيه واحد زي التور وقع قهوه عليهم فهعيدوا الشغل من تاني ندا لما سمعت اميره وهي غضبانه وبتشتم ضحكت وطبعا عمران كان قاعد متابع كل حركه ليها واول ما ضحكت هو بدون وعي
ابتسم اميره بغيظ بتضحكي على ايه انتي كمان لما تخلصي انتي فوتي عليا اكون انا خلصت جزء منهم ونروح سوا اوكي هستناكي باي
أميرة تقفل التليفون وبتلف لقيت أليف واقف قدامها ويبص ليها بغيظ
اميرة بخضه وغيظ يا ماما ېخرب بيتك انت بتطلع منين
أليف بغيظ دي تالت مره تشتميني وانا لحد دلوقتي ساكت بس والله لعلمك الأدب و لسانك دا محدش هيقطعوا غيري  
أميرة بغيظ لسان مين دا اللي هتقطعوا يا تور انت  
ندا بابتسامة اتفضل بس هو ميعاد المسابقة هيكون امتى 
عمران بعد الامتحانات في اجازة نص السنه أن شاء الله هبقي ابلغك بالميعاد والأماكن اللي هنشتغل فيها المهم انتي تبدئي تجهزي كام فكره علشان ننفذها 
ندا تقف بابتسامه
حاضر هبدء اجهز و اوريها لحضرتك تقول رأيك وملاحظاتك ومتشكره لثقك يا دكتور ويارب اكون قدها 
عمران يقف قدامها ويبص ليها نظرات تربكها وهو حاسس بإحساس مش عارف يفسرو
عمرانانا اللي متشكر انك وافقتي اني اكون مشرف عليكي في المشروع
ندا بكسوف العفو عن اذنك 
وتخرج بسرعه من المكتب وهو فضل واقف يبص عليها لحد ما غابت عن عينيه وقفلت باب المكتب وهو ابتسم ورجع يقعد مكانه فشاف موبايلها على المكتب مسكوا وخرج بسرعه يشوفها بس ملحقهاش فرجع مكتبه وحط التلفون قدامه وفضل يبص عليه وهو بيكلم نفسه  
عمران لنفسه لا ماينفعش افتحوا دي خصوصيات بس انا لازم افتحه على الأقل اتصل على اختها اقولها أن ندا نسيت التلفون احسن تفتكروا ضاع صح كده انا هتصل باختها وقفوا بسرعه وسيبه بس هي ممكن تكون عامله باس ورد ومعرفش افتحوا طب ما اجرب مسك التليفون وبفرحه ملوش باس ورد 
أول ما فتح التلفون شاف صوره لندا وأميرة وحكمت و فاطمة  
عمران بابتسامة ضحكتك حلوه اوي يا ندا بس ليه لبسه الطرحه في البيت شعرك من قدام شكله ناعم ياتري مين اللي معاكي دول اكيد أخواتك ومامتك هشوف ليكي صور تانيه ولسه هيفتح الاستديو انا ايه اللي بعملوا دا ماينفعش اني اتفرج على صورها انت فتحتوا علشان تكلم اختها و وتقفل اتفضل كلمها 
جاب جهه الاتصال وطلع آخر رقم كان مكتوب أميرة فاتصل 
أميرة ايوه يا نودي وصلتي 
عمران سلام عليكم انا دكتور عمران معيد في كليه الانسه ندا 
أميرة بخضه قامت وقفت فين ندا حصلها ايه 
عمران لاااا اطمني هي بس نسيت تليفونها في مكتبي بعد ما كلمتك فبتصل اعرفها انه معايا علشان متدورش عليه وانا موجود في الجامعة لساعة 5 لو حبه تيجي تاخد التليفون 
أميرة تتنهد براحه اااه الحمدالله متشكره جدا يا دكتور انا هبلغها مع سلامة
وقفلت تلفونها وخرجت تستنى ندا قدم المستشفى وقدام الباب لقيت ندا واقفه بتفتيش في شنطتها
أميرة ريحي نفسك مش هتلاقيه 
ندا بصت ليها كويس انك خرجتي مش لقياه وخدت بالها من كلمة أميرة عرفتي منين اني مش لقياه
اميره بابتسامة لأن حضرتك نسيته في مكتب دكتور عمران وتغمز ليها مش دا بردوا الدكتور اللي بيبصلك بصات غريبه 
ندا بابتسامة وسرحان ايوه هو بس انتي مين قالك انه عنده انتي اتصلتي بيا
أميرة لا هو اللي اتصل بيا الظاهر انك وحشتيه فبيقولك هو موجود لساعة 5 في الكليه لو عاوز تاخذي الموبايل هييييييح شكله وقع ولا حد سمي عليه 
ندا تقرصها في كتفها اتلمي وامشي قدامي يلا
أميرة بضحك هنروح نجيب الموبايل صح 
ندا موبايل ايه اللي نروح نجيبه هبقي اخذوا بكرا وانا في الكليه
أميرة بزعل لا علشان خاطري يا ندا نرجع ناخدوا دلوقتي انا نفسي اشوف الدكتور أبو نظرات غريبه هنروح يعني هنروح 
ندا بغيظ روحي لوحدك انا مروحه وتمشي وتسبها واميرة واقفه تنادي عليها ومرة واحده راحت مصرخه ندا بصت پخوف ورجعت تجرى لقيت عربيه مشيه بسرعه وكان فيه ماية وطين في الشارع فاميره اتغرقت كلها طينه 
أليف من شباك عربيتوه بضحك دا اول درس استنى الباقي 
ومشى بالعربيه وندا بتبص
ليه باستغراب ومش فاهمه حاجه 
أميرة پغضب وغيظ يا حيوان يا تور والله لعرفك انا اللي هربيك
ندا تبص لشكلها وتضحك جمد اوي
أميرة بغيظ عااااااا شوفتي التور عمل فيا ايه والله لاربيه
ندا بضحك خدت التلفون من أيدها وفتحت الكاميرا
أميرة انتي بتعملي ايه
ندا بضحك شكلك مسخرة لازم تتصوري
أميرة تصرخ بغيظ وتمشي وتسبها بس ندا تجري وراها ويوقفوا تاكسي ويروحوا
أليف وصل بيته وفتح الباب
أليف وهو بيقعد عمران انت يالا شكله لسه مرجعش طلع تلفونه واتصل بيه انت فين يابني لدلوقتي
عمران وهو ماسك تليفون ندا ويبص على صورتها في الكليه
أليف بتعمل ايه عندك انا واقع من الجوع تعال بسرعه علشان تعمل الاكل 
عمران ينفوخ هو انا خلفتك ونسيتك ماجبتش اكل وانت راجع ليه
أليف اكل من بره هو انا كنت راجع من لندن علشان اكل من بره انا راجع علشان اكل صينية البطاطس من ايدك 
عمران بابتسامة طيب يا خويا قشر البطاطس على مااوصل ويقفل عمران ويأخذ تليفون ندا في جيبه ويمشي 
أليف مسك اللاب بتاعه واتصل اسكايبي
أليف بابتسامة دوك واحشني عمل ايه من غيري 
كمال بابتسامة مرتاح طبعا وعايش حياتي 
أليف بضحك هههه اه طبعا البيت فاضي وزمانك بتجيب موزز ما أمي مسافره وهعمل حفله
كمال بضحك الموزز دي انت اللي بتعرفهم يا بايظ مش انا المهم قولي عملت ايه مع عماد واخبار المستشفى ايه
أليف كله تمام ودكتور عماد مستنيك ترجع بسرعه علشان يدبسك في الإدارة وانا هستلم شغلي من بكرا
كمال تمام ابقي ساعد عماد في الادارة المستشفى كبرت والحمل تقل عليه بقاله كام سنه شايل المستشفى لوحده 
أليف لااااا انا مليش في الإدارة دي مسؤوليتك انت يا دك ارجع انت وشيل معاه انا يادوب شايل نفسي 
كمال أن شاء الله امال
عمران فين 
أليف جاي في الطريق خبط على راسه البطاطس معلش يا دك هقفل علشان اروح اقشر البطاطس احسن عمران لو رجع لقاها مش متقشره هيطلقني سلام يا خويه ورايا طبيخ
يقفل كمال التلفون وهو بيضحك ويمسك صوره لاليف ويرجع بذاكرته 12 سنه وقتها كان عايش في لندن ناديه اخته اتصلت بيه وهي مڼهارة وبتعيط وطلبت منه يرجع مصر بسرعه وقالت ليه انها في اسكندريه فاخد اول طياره ونزل لاسكندريه
فلاش بك
كمال پخوف ناديه مالك فيكي ايه انتي كويسه
ناديه بدموع كمال الحقني يا كمال الحقني 
كمال مالك يا ناديه مدحت جرى ليه حاجه ويحط ايده على بطنها البنت كويسة 
ناديه تمسح دموعها مدحت كويس هو في القاهره هايجي بليل والبنت كويسة 
كمال طيب مالك وايه اللي جابك اسكندرية 
ناديه بدموع جيت مع خالته كانت جايه علشان تشوف بيت تيتا البواب اتصل بيها وقالها السباكة بايظه والشقه ڠرقت ماية فجيت انا وهي وعمران بس سبتهم في شقة تيتا وجيت الفيلا قولت اطمن على محمود فسمعتهم يا كمال سمعتهم وعرفت الحقيقه عرفت كل حاجه
كمال بعدم فهم حقيقة ايه
ناديه بدموع حقيقة مۏت ماما يا كمال هما السبب في مۏتها مستحملتش لما عرفت اللي عملوا انا مش مصدقه اللي سمعتوا دول مش بشړ مش بشړ
كمال انا مش فاهم حاجة يا ناديه