إسكريبت (آيه وغيث) بقلم آيه حمام

_جواز أنا وغيث مش هيحصل ودا آخر كلام. 
كفاية خطوبة شهر قول له مفيش نصيب وخلاص.
كنت لسة سيباه وداخلة أوضتي لقيته مسكني مش شعري وإتكلم بصوت عالي وهو بيشد مسكته على شعري
_هتتجوزيه ڠصب عنك يا آية وهتوافقي ڠصب عنك بدل ما أوريكي الوش التاني آمين 
_يا ابني اسمعني حرام عليك نخدعه وأنت عارف إنه ميعرفش ب مرضي أنا مش هعرف أحمل وأهنيه بأولاد..

لسة هكمل كلامي راح زاققني على الكنبة وقرب إتكلم قصاد وشي وهو ماسكه بين إيده
_ومش هيعرف ولو عرف هتبقى ب نهايتك يا بنت أبويا وعلشان تطويلك في الكلام دا هخليه يجيب المأذون وهو جاي بكرة وهيكتب عليك.. وغوري بقا من وشي الساعة دي.
مادنيش فرصة أرد عليه دخلت الأوضة وقفلت الباب عليا وسمحت لنفسي إني أعيط بإنهيار على حالي وعلى ال مستنيني وعلى الإنسان المخدوع بسبب طمع وقسۏة شخص تاني. 
نمت مكاني ومصحيتش غير تاني يوم مكنتش قادرة أقوم من مكاني من الۏجع بس سمعت صوته بينادي عليا ف قومت وخرجت له
_جهزي حالك يا عروسة كتب كتابك الساعة ٨ النهاردة.
بصيت له پصدمة وعدم تصديق عروسة مين والنهاردة إيه وإزاي غيث وافق على كدا! 
رنيت على الاتنين صحابي وخليتهم ييجوا يهونوا عليا وبالفعل جم علطول وهدوني وساعدوني أجهز وأوضب حالي أينعم لبست وجهزت بس ملامحي باهتة وحزينة وإزاي هتفرح وليه هتفرح أصلا!! 
_آية إهدي.. المفروض تحمدي ربنا إنك هترتاحي من طارق أخوك دا أصلا وغيث دا إن شاء الله هيكون كويس ويكون العوض ليك عن ال شوفتيه وبتشوفيه مع أخوك. 
_يا ورد أخويا بيبيعني وبيخلص مني أفرح إزاي بقا. 
وكمان مش راضي يخليني أعرفه إني تعبانة ومش هقدر أحمل ولو حصل حمل ف إما الجنين ھيموت أو أنا والجنين ھنموت وقت الولادة الرحم متدمر ومش هيستحمل يعني فرصة الإنجاب تكاد تكون منعدمة! 
_وأنت تسمعي كلام أخوك ليه عرفي غيث وقولي له الحقيقة من البداية وافق يبقى خير موافقش يبقى خير برضه.. وبعدين يا آية ورد معاها حق حتى لو هتعيشي بعيد عن أخوك في أي مكان ف هو هيبقى جنة وخليه هو بقا يشبع بالبيت والفلوس. 
_هقول له هقول له بس بعد ما نتجوز ولو طلع مش عاجبه هتطلق ومش راجعة هنا تاني يا جميلة إنما دلوقتي لو غيث مش عجبه الوضع كدا أخويا هيبهدلني أكتر.
كانت لسة هترد لكن خبط علينا طارق وقال لي أخرج علشان العريس والمأذون جم يعني حتى هيقعدني وسط الرجال الغرب عادي! 
خرجت وإتفاجئت من الديكور ال معمول والناس الكتير الموجودة بصيت له باستفهام وقال لي إنه بيعمل إشهار! 
رافضة كل ال بيعمله وكل شيء ولسة هنطق بكلمة إعتراض راح سحبني من إيدي وقعدني جامد وهو بيبرق لي مضيت وخلصت وبعدها أخدوني أصحابي لأوضتي تاني